Paso a paso…

http://nauticocastrelo.com/wp-content/uploads/2015/01/Castrelo-Campeonato-de-España-de-remo-1.jpg
Náutico de Castrelo

Despois dun longo proceso de xestións administrativas xa está en marcha o proxecto do novo Parque Náutico de Castrelo de Miño. A entrega das chaves por parte do concello é un hito importante no traballo de creación dun novo modelo de negocio para unhas instalacións emblemáticas.

entrega-chaves-nautico-castrelo

Estamos últimando os detalles do proxecto para poder iniciar as obras no edificio do Parque Náutico de inmediato. Dotaremos a Castrelo dun equipamento moderno, acolledor e polivalente aos servizo dos veciños e visitantes. Alén das instalacións de cafetería, restaurante, viñoteca e sala de reunións tamén ofertaremos multitude de actividades culturais, deportivas e de ocio.

plano nautico castrelo

O Parque Náutico de Castrelo tamén aspira a convertirse nun referente do enoturismo na comarca habilitando un espazo onde coñecer, degustar e mercar unha selección dos mellores viños do Ribeiro.

vinedo castrelo de mino

Neste blog contaremos paso a paso os detalles das obras así como os traballos que conducirán á apertura das instalacións antes da semana santa. Ofertas de emprego, avance das obras, información sobre proveedores ou actividades serán comentadas e compartidas coas persoas interesadas na recuperación deste emblemático lugar no corazón do Ribeiro.